Gjatë video-konferencës së tij, kryeministri Rama u kë bërë thirrje studentëve të se dialogu është shumë i rëndësishëm në këtë rast, ai po ashtu tha se për negociata nuk kemi asgjë për të negociuar, por vetëm për të dialoguar.
“Nëse protesta është e atyre që dolën spontanisht në një protestë për një gjë të drejtë, duhet të dialogojmë. Dialogu nuk është një akt martese me zorrë, por është një akt ku palët flasin dhe dëgjohen. Vazhdoni protestoni dhe shumë mirë bëni që protestoni.
Si mund të jemi sot në këtë Shqipëri, duke bërë një rrugë të gjatë dhe të vështirë, dhe të punojmë kundër dialogut me qeverinë dhe kryeministrit. Pse ca është kryeministri dyqan, magazinë, ku shkruhen kërkesat dhe merren përgjigjet nga televizori?”.
Rama, dukshëm i tensionuar gjatë diskutimit të tij, këmbëngul për një zgjidhje të përbashkët: “
“Unë nuk jam Zoti që i zgjidh punët në mënyrë magjike kur i shkruajnë nga lart. Prandaj duhet zgjidhja dhe gjetja e zgjidhjeve bëhet në mënyrë të përbashkët. Unë nuk hyj dot në universitet të gjej zgjidhje siç i doni ju.
Nuk mendoj se jam më i miri, por mund ta bëj këtë punë shumë më mirë duke mbajtur veshët hapur. S’doni të dialogoni është e drejta juaj, rrini atje dhe mos ndaloni së protestuar”, – tha ai.
Një prej kërkesave të studentëve është përgjysmimi i tarifave për një vit akademik.
Por për kryeministrin Rama është e pamundur që ai të ndërhyjë tek Universitetet, pasi ato janë autonome.
“Universitetet janë autonome, nuk mund të ndërhyjmë me buldozerë si tek Unaza e Re”, u shpreh Rama.
Po pavarësisht kësaj, ai shprehet se ka një mundësi që studentët të paguajnë më pak, e kjo është nëpërmjet subvencioneve. Por kjo sipas Ramës duhet diskutuar.
“Jemi gati që tarifat t’i mbështesim edhe në masën 50% por nuk bëhet kështu, o ba dua lekë. Do u themi të gjithë që taksat tuaja do përdoren për këta studentë”, tha Rama./TCh
