Kryetarja e LSI-së Monika Kryemadhi ishte në Bashkinë e Cërrikut ku zhvilloi takime me fermerë të kësaj zone. Kryemadhi u njoh nga afër me problematikat e shumta që hasin fermerët sot, për të cilat tha se ata ndihen të papërkrahur dhe të pashpresë.
193 milionë euro është dëmi ekonomik i zbuluar nga Kontrolli i Lartë i Shtetit nga auditimet e 2018-ës, ndërkohë ndikimi negativ nga mos arkëtimi i të ardhurave dhe shpenzimet jo eficiente, llogaritet mbi 1,5 miliardë euro, e ndarë 923 milionë euro në fushën e të ardhurave dhe 587 milionë euro, në fushën e shpenzimeve jo eficente dhe pa efektivitet.
Gjatë turit të tij në Kavajë dhe Rrogozhinë, Kreu i Partisë Demokratike u ndal edhe në Luz të vogël, ku bashkëbisedoi me fermerët.
Faza e regjistrimit të maturantëve në sistem ka përfunduar, ndërkohë që përgatitjet për maturën shtetërore vijojnë. 36 100 maturantë do t’i nënshtrohen 4 provimeve. Matura shtetërore 2019 është e para që ka dalë me kurrikulën e re, si rrjedhojë ndryshimi do të pasqyrohet dhe në provimet e maturës.
Banorët e Kolonjës në Gjirokastër i janë rikthyer protestave për të kërkuar pezullimin e lejes për HEC-in mbi përroin e Rehovës. Çështja që u bë publike 2 muaj më parë, sipas tyre ende nuk është zgjidhur.
Presidenti i SHBA-ve Donald Trump tha të shtunën se ai vendosi të njohë aneksimin e lartësive të Golanit nga Izraelit më 1981-shin, pasi mori një mësim të shpejtë historik gjatë një bisede mbi një temë tjetër.
Plot 80 vite më parë, Italia Fashiste arriti të hyjë në Shqipëri, duke nisur një pushtim që zgjati përreth 4 vite, gjatë Luftës së Dytë Botërore. Në të njëjtën ditë, në Durrës u vra gjatë luftimeve për të sprapsur sulmin fashist, edhe Heroi i Popullit, Mujo Ulqinaku.
Kreu i Partisë Demokratike, Lulzim Basha ishte sot në qytetin e Rrogozhinës, ku takoi mbështetësit e opozitës, të cilët i ftoi të marrin pjesë në tubimin e radhës në tiranë, më 13 Prill.
Kreu i shtetit Ilir Meta i bën apel shumicës dhe opozitës që të heqin dorë nga demonstrimi i forcës me mitingje dhe anti-mitingje dhe të ulen për të dialoguar. "Ka një hapësirë për të gjetur zgjidhjet e duhura dhe secili duhet të reflektojë. Është detyrë e tyre të tregojnë vullnet për dialog dhe të heqin dorë nga përdorimi i forcës dhe të udhëhiqen nga arsyeja" tha Presidenti.
Partia Demokratike ka nisur nga puna për të vënë në zbatim modelin për përzgjedhjen e kandidatëve të saj nga anëtarësia sipas modelit konservator britanik, rreth tre muaj para mbajtjes së zgjedhjeve lokale ndonëse nuk e ka konfirmuar ende pjesëmarrjen në to.