Tag Maqedonia e Veriut

Maqedonasit e veriut kthehen sot në kutitë e votimit për të zgjedhur Presidentin e Ri. Këto zgjedhje pritet që të  sjellin një dhimbje koke në politikë për Social Demokratët në pushtet, kandidati i së cilës po përballet me një rivali të mbështetur nga nacionalistët.

Sipas rezultateve të para të publikuara në ueb faqen e KSHZ-së prej 53,76 për qind të votave të përpunuara, kryeson kandidati presidencial i LSDM-së dhe Koalicionit Stevo Pendarovski me 42,71 për qind, e dyta është kandidatja e VMRO-DPMNE-së dhe koalicionit Gordana Siljanovska Davkova me 41,08, ndërsa i treti është kandidati i mbështetur nga Aleanca për Shqiptarët dhe Besa, Blerim Reka me 12,05 për qind.

Jehona e votuesve deri në orën 17:00 ishte 35,13 për qind nga informacionet e arritura nga 79,73 për qind e vendvotimeve në nivel shtetëror

Zgjedhjet presidenciale shihen si test për qeverisjen e kryeministrit Zoran Zaev, pas arritjes së marrëveshjes me Greqinë për ndërrimin e emrit të shtetit në “Maqedonia e Veriut”.

Sot Maqedonia e Veriut është nën ethet e zgjedhjeve për presidentin e ri. Në këto zgjedhjet presidenciale garojnë tre kandidatë, nga të cilët asnjëri prej tyre nuk është deklaruar si politikan i karrierës.