Për të dytin vit radhazi në qytetin e Shkodrës organizohet nga shoqata ‘Istanbul’ “Akademia e te rinjve shqiptare” , e cila konsiston në një cikël seminaresh me tema rreth kulturës, artit, historisë, ekonomisë etj.
Këtë fundjavë i ftuar ishte akademiku Agim Baçi që mbajti seminarin me temë: “Njeriu si qenie kulturore përballe modernitetit”.
Ky aktivitet u zhvillua ne qendrën kulturore “Përpjekja” ne qytetin e Shkodrës.
Në aktivitet mori pjesë edhe Koordinatori i YTB për Ballkanin Nedim Aslan, i cili u shpreh se këto aktivitete janë të rëndësishme për rininë shkodrane.
Ne ketë aktivitet morën pjesë rreth 50 te rinj, studentë në degë të ndryshme të Universitetit “Luigj Gurakuqi”.
Gjatë një periudhe një mujore do të organizohen takime dhe seminare ku do të ligjërojnë profesorë, studiues, akademikë.