25 emigrantë u gjetën të fshehur në bordin e një anijeje mallrash. Ata ishin nisur për në Britani, që nga Holanda.
Policia e ndaloi anijen dhe e ktheu te porti holandez i Vlaardingenit, sipas njoftimeve nga Holanda.
Zyrtarë s’e kanë konfirmuar ende gjendjen shëndetësore të emigrantëve, të cilët u zbuluan në tragetin e quajtur Britania Seaways.
Ambulancat shkuan menjëherë në port dhe i morën emigrantët në spital për t’i kontrolluar për hipotermi.
Ngjarja vjen pak javë pasi 39 vietnamezë u gjetën të vdekur brenda një kamioni frigorifer në Angli,shkruan Top Channel.
