Televizioni kinez nuk transmeton ndeshjen e Arsenalit për shkak të komenteve të Ozil
Televizioni shtetëror kinez CCTV ka hequr transmetimin e ndeshjes Arsenal – Manchester City, i cili po luhet të dielën në mbrëmje, nga programi i saj pas komenteve të fudbalerit të Arsenalit Mesut Ozil mbi myslimanët Ujgur.
Ozil shkruajti në mediat sociale për të komentuar zhvillimet me muslimanët Ujgur në provincën Xinjiang të Kinës, duke pretenduar se ata ishin subjekt i terrorit, raporton Anadolia.
Ai shkroi se “Kurani digjet në Kinë, xhamitë janë të mbyllura, shkollat teologjike dhe medreset janë të ndaluara”.
Ai gjithashtu shkroi në mesazh se muslimanët heshtin mbi të gjitha vuajtjet e muslimanëve Ujgure.
Përkundër gjithçkaje, muslimanët heshtin’
“Mësuesit fetarë i vrasin një nga një dhe, në fund të fundit, muslimanët heshtin. A nuk e dinë ata që pëlqimi për përndjekje është vetë përndjekje? Dhëndri i Profetit Muhamed thotë:” Nëse nuk mund të parandaloni përndjekjen, flisni për të publikisht “, shkruajti Ozil.
Arsenali menjëherë u distancua nga shkrimi i mesfushorit të tyre, duke theksuar se “klubi ka qenë gjithmonë apolitik si kolektiv”.
Gazeta kineze Global Times komentet e Ozil i quajti “gënjeshtra”, duke shtuar se ai “zhgënjeu” shumë njerëz në Kinë.
Federata Kineze e Futbollit gjithashtu tha që komentet e Ozil ishin “të papranueshme” dhe “dëmton ndjenjat” e tifozëve kinezë.
Myslimanët Ujgur janë një popull indigjen i Xinjiang, një rajon autonom në Kinën veriperëndimore.
