Ka nisur puna për restaurimin e Urës së Shën-Prodhomit në Voskopojë.
Ura 300-vjeçare, monument kulture i kategorisë së I-rë, është ndërtuar në shekullin XVIII.
Ura me harqe vlerësohet e rrallë për sa i përket arkitekturës. Ajo është një prej urave më të vjetra në Shqipëri.
Projekti i hartuar nga Drejtoria Rajonale e Kulturës Kombëtare-Korçë konsiston në kryerjen e ndërhyrjeve konservuese dhe restauruese në urë, raporton Trt.
Ministria e Kulturës po i kushton një vëmendje të veçantë rijetëzimit dhe mbrojtjes së monumenteve të kulturës si pjesë e vyer e trashëgimisë kulturore të Shqipërisë.
