Një aksident me pasojë vdekjen ka ndodhur në qytetin e Fierit. Ngjarja e rëndë ka ndodhur në aksin rrugor Fier-Ballsh, në vendin e quajtur “Qafa e Lalarit”, ku viktimë ka mbetur shtetasja S.B., 49 vjeçe.
Viktima ka qenë duke ecur në rrugë teksa është përplasur nga automjeti tip “Ford”, i drejtuar nga shtetasi J.F., 46 vjeç, raporton Top Channel.
Ky i fundit është arrestuar dhe materialet i kaluan Prokurorisë Fier për veprën penale “Shkelje e rregullave të qarkullimit rrugor”.
