Komisioni Qendror ka vendosur gjatë mbledhjes së sotme që në zgjedhjet e 14 majit të aplikohet votimi dhe numërimi elektronik në 3 bashki: Vorë, Kamëz dhe Elbasan.
Projekti pilot i votimit dhe numërimit elektronik u zbatua për herë të parë në zgjedhjet e përgjithshme të 25 prillit në një KZAZ në kryeqytet dhe në zgjedhjet e pjesshme në 6 mars të vitit që shkoi në bashkinë Vorë.
Gjatë mbledhjes u bë me dije se KQZ kërkoi shtrirjen e projektit pilot në 6 bashki, fondi për të cilat shkonte mbi 3 mld lekë.
Por fondi i dhënë nga Këshilli i Ministrave është 800 mln lekë, që janë të mjaftueshme për ta zbatuar këtë projekt në vetëm 3 bashki.
