Industria e mbrojtjes dhe hapësirës ajrore të Turqisë grumbulloi 950 milionë dollarë nga eksportet në katër muajt e parë të 2021, transmeton Anadolu Agency (AA).
Eksportet e sektorit u rritën në 47.7 për qind krahasuar me të njëjtën periudhë të 2020, sipas të dhënave që ka përpiluar AA nga Ministria e Tregtisë dhe Shoqata e Eksportuesve të Turqisë (TIM).
Qendra kryesore e tregtisë, Stambolli, ishte qyteti me eksportet më të larta të produkteve të mbrojtjes dhe hapësirës ajrore në janar-prill. Gjatë kësaj periudhe, eksportet nga qyteti u rritën 86.8 për qind me bazë vjetore në 387.5 milionë dollarë.
Ajo u pasua nga kryeqyteti Ankara dhe qyteti qendror turk Konya me 204.5 dollarë, përkatësisht 131.7 milionë dollarë.
SHBA-ja ishte tregu kryesor i eksporteve për sektorët e industrisë së aviacionit dhe mbrojtjes me mbi 386 milionë dollarë në këtë periudhë, 56 për qind më shumë se një vit më parë. Ajo u pasua nga Azerbajxhani me eksporte me vlerë 117.3 milionë dollarë, me një rritje prej 1,234 për qind më shumë dhe Emiratet e Bashkuara Arabe me 90.3 milionë dollarë.
Eksportet e vendit në prill u rritën me 109 për qind, krahasuar me të njëjtin muaj të vitit të kaluar, duke arritur në 18.8 miliardë dollarë. Kjo ishte shifra më e lartë e eksporteve në prill e të gjitha kohërave.
Në periudhën janar-prill, eksportet e Turqisë arritën në 68.8 miliardë dollarë.
