Në një operacion të zhvilluar në 58 qytete të Turqisë me qendër qytetin Balıkesir u arrestuan 126 persona për të cilët pretendohet se kanë lidhje dhe kanë siguruar financime për organizatën terroriste DEASH, transmeton Anadolu Agency (AA).
Në kuadrin e një hetimi të kryer kundër DEASH-it nga prokuroria e qytetit Balıkesir u lëshuan urdhra për arrestimin e 148 të dyshuarve.
Ekipet nga komanda e xhandarmërisë që qytetit, drejtoria e antiterrorizmit të komandës së përgjithshme të xhandarmërisë dhe të komandës së inteligjencës filluan operacionin e shtrirë në 58 qytete.
Në operacionet e njëkohshme ekipet arrestuan 126 të dyshuar për të cilët pretendohet se kanë lidhje dhe kanë siguruar financime për organizatën terroriste DEASH.
Në kontrollet e ushtruara gjatë operacionit bëhet e ditur se u sekuestruan dokumente të shumta organizative, armë, para, fatura të transaksioneve që tregojnë trafikun e parave.
Ndërkohë po vazhdojnë punimet për kapjen edhe të 22 dyshuarve të tjerë.
