Është viti i tretë radhazi që shoqata “Istanbul” në partneritet me shoqatën “Përpjekje” dhe me mbështetjen e YTB (Organizatës për Turqit jashtë Shtetit dhe Komunitetet Mike) organizon programin e trajnimin në kuadër të projektit “Shkolla Ballkanike Shqiptare”.
Projekti Shkolla Ballkanike Shqiptare” konsiston në organizimin e një cikli seminaresh me karakter trajnues, ku trajtohen tematika të larmishme kulturore, fetare, filozofike e historike.
Program i trajnimit ka si grup të synuar, të rinjtë dhe të rejat, të cilët janë pjesa më vitale e shoqërisë dhe synon sensibilizimin e kësaj kategorie për rolin që duhet të ketë në shoqëri dhe mbajtjen e saj larg fenomeneve negative.
Pjesmarrësve të programit u jepet mundësia të diskutojnë dhe të aftësohen rreth tematikave që do të trajtohen nga lektorë me përvojë si : Fitim Zekthi, analist i mirënjohur, Redi Shehu, opinionist dhe studiues, Ergys Mërtiri, pedagog dhe sociolog, Armand Bora, regjizor i mirënjohur, Fitim Zekthi, analist, Ardjan Muhaj, historian, Teologu Ali efendi Bardhi dhe Agim Baçi, kritik letrar dhe studiues.
Aktivitetin e përshëndet, kryetari i shoqatës “Istanbul” z.Ridvan Seferaj.
Në fund të programit trajnues, pjesmarrësve do t’u jepet mundësia të vizitojnë për disa ditë Turqinë dhe të njihen nga afër me historinë, kulturën dhe traditat e këtij vendi mik për Shqipërinë dhe shqiptarët.