Një person i cili lëvizte i armatosur është kapur në kushtet e flagrancës nga policia me pistoletë tip “TT”.
Mbrëmjen e djeshme, e martë, uniformat blu të policisë së Shkodrës, bën arrestimin e 32-vjeçarit Arsen Ohri, banues në lagjen “Qemal Stafa”.
Arrestimi i tij u bë në flagrancë pasi në lagjen “Qemal Stafa”, gjatë kontrollit të ushtruar ju gjet në një çantë, dhe u bllokua në cilësinë e provës materiale arma e zjarrit tip “TT” pistoletë me 5 fishekë.
Aktualisht hetimet janë në vijim, për të zbuluar arsyet pse Ohri lëvizte i armatosur.
Sakaq për ndjekje të mëtejshme në ngarkim të tij materialet iu referuan Prokurorisë së Shkodrës për veprën penale “Mbajtja pa leje e armëve luftarake dhe municionit”