Në sallën operative të policisë, ka mbërritur një telefonatë, ku thoshte se një shtetas kishte shkuar në një banesë në Kodër Kamëz dhe kishte plagosur rëndë me thikë të zotin e banesës. Pas njoftimit, policia menjëherë kanë shkuar në vendngjarje, duke arrestuar në flagrancë për veprën penale “Plagosja e rëndë me dashje”, dhe “Prodhimi, mbajtja, blerja apo shitja pa leje e armëve të ftohta” shtetasin J. V., 68 vjeç banues në Kodër Kamëz.
Shtetasi J.V, rreth orës 01.15 të mëngjesit kishte shkuar në banesën e shtetasit F.L, 56 vjeç dhe pas një konflikti për motive të dobëta, e kishte plagosur me mjet prerës (thikë).
Shtetasi F.L, pas ndërhyrjes mjekësore ndodhet jashtë rrezikut për jetën. Materialet procedurale i kaluan Prokurorisë Tiranë për veprime të mëtejshme.
