Presidenti i Republikës së Turqisë, Recep Tayyip Erdoğan të hënën më 9 korrik, do të japë betimin në Kuvendin e Madh Popullor të Republikës së Turqisë (TBMM), raporton Anadolu Agency (AA).
Sipas informacioneve të burimeve të afërta me Kabinetin e presidentit të Republikës së Turqisë, pas fitores së zgjedhjeve presidenciale më 24 qershor, Erdoğan të hënën, më 9 korrik, do të japë betimin në Kuvenin e Turqisë.
Pas dhënies solemne të betimit në Pallatin Presidencial në Ankara do të organizohet ceremoni me rastin e kalimit të këtij vendi në sistemin presidencial të udhëheqjes së shtetit.
Në Turqi më 24 qershor u mbajtën zgjedhjet parlamentare dhe presidenciale. Në këto zgjedhje Erdoğan fitoi në rrethin e parë duke marrë 52.5 për qind të votave.
