Një 64-vjeçar ka humbur jetën pasi dyshohet se është hedhur nga kati i tretë i pallatit ku banonte. Ngjarja ka ndodhur në Pogradec, ndërsa dyshohet se shkak ka qenë gjendja depresive.
“Më datë 24.02.2019, jemi njoftuar se në Spitalin e Pogradecit, ka shkuar i dëmtuar dhe më pas ka ndërruar jetë shtetasi J.J, 64 vjeç, banues në lagjen nr 2, i cili nga të dhënat e para dyshohet se si shkak i gjendjes depresive, të jetë hedhur nga kati i tretë i pallatit në të cilin banonte”, sqaron policia, shkruan Ora News.
Grupi hetimor po punon për zbardhjen e plotë të rrethanave të ngjarjes.
