Autoriteti Kombëtar i Ushqimit (AKU) ka bllokuar 1,6 ton mish në Tiranë, që përpunohej në kushte skandaloze nga një subjekt me aktivitet “Bar-Kafe/Lloto”,raporton Top Channel.
AKU bllokoi aktivitetin e subjektit, ndërsa u bllokua dhe mish me afat përdorimi të skaduar. Sasia totale e bllokuar është 1.6 ton.
Përveç mishit, llotoja tregtonte dhe nënproduktet e tij si mish i grirë, fileto dhe brumë qofteje të pashoqëruara me etiketë.
Ndaj subjektit u vendos gjobë 2 200 000 lekë si dhe ndërprerje e aktivitetit prodhues e tregtues.
