Një raport i OKB-së të mërkurën tha se vrasja e vjeshtës së kaluar në Stamboll të gazetarit saudit Jamal Khashoggi përbënte një vrasje jashtëgjyqësore për të cilën Arabia Saudite është përgjegjëse.
Në raport, Agnes Callamard, raportuesi special i OKB-së mbi ekzekutimet jashtëgjyqësore, përmbledhëse ose arbitrare, tha se ajo gjeti prova të besueshme për të hetuar më tej përgjegjësinë individuale të zyrtarëve sauditë në vrasjen Khashoggi në Konsullatën Saudite në Stamboll, përfshirë princin e kurorës Mohammed Bin Salman.
“Sanksionet e synuara kundër individëve ose subjekteve në Arabinë Saudite që kanë gjasa të përfshihen në vrasjen e zotit Khashoggi duhet të vazhdojnë”, tregon raporti duke shtuar:
“Megjithatë, duke pasur parasysh provat e besueshme në përgjegjësitë e Princit të Kurorës për vrasjen e tij, sanksione të tilla gjithashtu duhet të përfshijnë Princin e Kurorës dhe pasuritë e tij personale jashtë vendit, derisa nuk sigurohen prova dhe vërteton se ai nuk mban përgjegjësi për këtë ekzekutim “.
“Raportuesi Special njeh ndjeshmërinë politike të kësaj çështjeje, por thekson se sipas ligjeve të imunitetit dhe paprekshmërisë nuk ka ndalesë për sanksionimin e individëve që mbajnë poste të tilla si ajo e Princit të Kurorës”, tha Callamard.
Shkeljet e së drejtës ndërkombëtare
Raporti gjithashtu gjeti se vrasja e Khashoggi ishte një vrasje jashtëgjyqësore dhe tentativa e tij e rrëmbimit do të përbënte një shkelje sipas ligjit ndërkombëtar të të drejtave të njeriut dhe mund të përbëjë një akt torture sipas rregullave të konventës kundër torturës. Për më tepër, mënyra në të cilën ai u morr dhe u trajtua pak para se ai të vritej do të përbënte gjithashtu një shkelje të ligjit ndërkombëtar të të drejtave të njeriut, tha ai.
Për më tepër, një hetim i kryer nga Arabia Saudite nuk ishte kryer me mirëbesim dhe mund të përbënte pengimin e drejtësisë pasi u zbulua prova e besueshme që vuri në dukje skenën e krimit duke u pastruar tërësisht, tha raporti. Raportuesi i posaçëm kërkoi që gjykimi i 11 të dyshuarve në Arabinë Saudite të pezullohej lidhur me shqetësimet në lidhje me mungesën e besueshmërisë dhe fshehtësisë mbi gjykimet.
Raporti theksoi se deri më tani Arabia Saudite nuk ka arritur të pranojë publikisht përgjegjësinë e saj për vrasjen e Khashoggi dhe nuk ka kërkuar falje për familjen, miqtë dhe kolegët e gazetarit Washington Post për vdekjen e tij dhe mënyrën e tmerrshme në të cilën ai u vra në Konsullatën Saudite në Stamboll.
