Ka mbërritur në 123 numri i të infektuarve me Covid-19 në Shqipëri. Fatkeqësisht edhe një tjetër i prekur humbi jetën duke e çuar numrin në total në 5.
Në Lezhë, vatrën e re të infeksionit është prekur një infermiere për pasojë mjekët e spitalit janë në karantinë.
Pacientja e parë në Lezhë është një infermiere 54 vjeçare e cila në testin e bërë gjatë natës së mbrëmshme ka rezultuar pozitive.
E prekura me Koronavirus ende nuk dihet nga mund ta ketë marrë infektimin, por menjëherë janë marrë masa për të izoluar edhe kolegët e saj nga frika se mund të jenë infektuar, raporton Top Channel.
54 vjeçarja është dërguar mbrëmë tek Infektivi në Tiranë, dhe pritet që në bazë të gjendjes së saj të vendoset nëse do qëndrojë tek spitali për terapi intensive ose do vetë karantinohet në shtëpi.
