Breshka e llojit Caretta-Caretta me një peshe prej 40 kg ka rënë në rrjetat e peshkatarëve të Orikumit.
Peshkatari Sherif Durmishi shprehet se kjo breshkë është rreth 40-vjeçare dhe është e llojit Caretta-Caretta.
Sipas tij, breshka nuk ka asnjë shenjë dëmtimi dhe është me shëndet të plotë. Priten që të vijnë specialistët e zonave të mbrojtura që ta matrikullojnë dhe më pas ta lëshojnë në det.
Sipas tij, afrimi i këtyre specieve ka ndikuar edhe nga moratorium, por dhe ngrohja e ujërave, transmeton tch. Kohët e fundit, bën me dije peshkatari Durmishi janë shtuar rastet kur në rrjetat e peshkatarëve bien gjallesa të rralla, ku kjo ka ardhur si pasojë e moratoriumit, por edhe ngrohjes globale.
“Është e vërtetë”, shprehet Durmishi “se ka disa persona të papërgjegjshëm që gjuajnë me dinamit, por ne si peshkatarë kemi filluar të monitorojmë çdo person duke lajmëruar organet kompetente”.
