Anija e Flotës Detare e klasit “Iliria” ka ndërhyrë për tu ardhur në ndihmë 50 turistëve shqiptarë e të huaj , të bllokuar në ishullin e Sazanit për shkak të motit të keq.
Pas udhëtimit drejt Sazanit me anije të vogël turistike, turistët mes të cilëve edhe një grup korrespondentëve të Agjencisë Franceze të Lajmeve AFP, u bllokuan në ishull.
Gazetarët kërkuan ndihmë pranë Forcës së Armatosur pasi dallgët e larta penguan lëvizjen e tyre për disa orë.
Anija “Iliria” është nisur drejt portit të Vlorës me të gjithë turistët në bord, përfshirë dhe disa fëmijë.
