Ministri i Ekonomisë së Gjermanisë, Peter Altmaier në tetor do të vijë në Turqi.
Sipas shërbimit të “Deutsche Welle” në turqisht, vizita ka për qëllim krijimin e një platforme për të biseduar mbi marrëdhëniet ekonomike dypalëshe.
Kurse Agjencia Gjermane e Lajmeve (DPA) njoftoi se vizita e ministrit Altmaier do të realizohet në datat 25-26 tetor.
Mësohet se Altmaier në Turqi do të vijë me një delegacion të madh, 80 vetë.
Programi i vizitës së Altmaier gjithashtu përfshin edhe mbajtjen e sesionit të radhës së Mbledhjes së Komisionit të Përzier Turko-Gjerman për Bashkëpunim Ekonomik dhe Tregtar.
Puna përgatitore për mbledhjen e këtij komisioni, ku do të diskutohen marrëdhëniet ekonomike dypalëshe ndërmjet Gjermanisë dhe Turqisë, kishte filluar vite më parë.
Gjermania është partnerja më e rëndësishme e Turqisë në tregtinë e jashtme. Në Turqi operojnë më shumë se 7 mijë 100 biznese gjermane.