Lionel Messi dha një intervistë të gjatë për prestigjiozen spanjolle Marca, ku foli edhe për mundësinë e rikthimit të Neymar te Barcelona.
“E shoh shumë të vështirë. Do të më pëlqente që të kthehej për atë që përfaqëson si futbollist dhe sjelljen në dhomat e zhveshjes. Jemi shokë dhe i përjetuam bukur momentet kur luajtëm bashkë. E shoh të vështirë të largohet nga Parisi. PSG nuk do ta lejonte largimin e tij”.
Messi edhe këtë herë kujtoi se Barcelona është shumë e fokusuar për të fituar Champions League-n.
“Çdo vit, motivimi për ta fituar këtë trofe është i madh. Është kompeticioni më i veçantë dhe që më entuziazmon më shumë në nivel klubesh.”
A do ta pranonte Messi ftesën e Ronaldos për ta vijuar rivalitetin mes tyre në futbollin italian?
“Nuk kam nevojë për ndonjë ndryshim. Jam në ekipin më të mirë në botë. Sfidat e mia rinovohen vit pas viti. Nuk kam nevojë të ndryshoj ekip apo kampionat për të vendosur objektiva të reja”.
Messi dhe Ronaldo e kanë fituar nga pesë herë secili “Topin e Artë”, duke dominuan skenën e futbollit në dekadën e fundit. Kjo “diktaturë” u thye në vitin 2018, me ish-bashkëlojtarin e Ronaldos, Luka Modric, që e mori çmimin në fjalë.
Sa iu takon vlerësimeve individuale, Messi dhe Ronaldo e kanë fituar nga pesë herë secili “Topin e Artë”, duke krijuar një duopol në çmimin prestigjioz, midis viteve 2008 dhe 2017.
Kjo “diktaturë” u thye në vitin 2018, me ish-bashkëlojtarin e Ronaldos, Luka Modriç, që e mori çmimin në fjalë. Dhe Messi, në mënyrë të diskutueshme, përfundoi i pesti në votim; pas Kylian Mbappe, Antoine Griezmann, Ronaldo dhe Modric. Ai ka deklaruar se e dinte që nuk do ta fitonte “Topin e Artë” kësaj here, kur pa garën për çmimin.
“Dëgjova kandidatët për “Topin e Artë” dhe e dija që nuk isha në garë”, – shtoi Messi. Pavarësisht nga suksesi i Messit në futboll, ai ka këmbëngulur se ka ende prioritete më të larta në jetë: “Unë e dua futbollin, por familja është mbi të gjitha”.
