Një zyrtar spanjoll deklaroi se policia ka arrestuar 15 persona në një operacion kundër tregtisë me drogë duke konfiskuar mbi 5 ton kokainë, që ishte fshehur në një dërgesë me banane, transmeton Anadolu Agency (AA).
Gjatë operacionit, që është kryer sot në Malaga, morën pjesë pjesëtarët e gardës civile dhe policia kombëtare, tha një zyrtar që deshi të mbetet anonim.
Në një park industrial në Malaga, ku u gjet drogë, mund të shiheshin dhjetra makina policore, thanë dëshmitarët për mediat lokale.
Në prill, në qytetin port spanjoll të Algeciras, po ashtu në një dërgesë me banane u gjetën 9 ton kokainë kolumbiane, një rekord evropian në sasinë e drogës së gjetur në një kontejner për transport.
