Një ngjarje e pazakontë ka ndodhur ditën e sotme në Dibër, në vendin e quajtur ‘Qenok’, aksi rrugor Maqellarë-Peshkopi, ku një mjet i tonazhit të rëndë kamion, ka pësuar defekt duke lënë të dëmtuar punonjësin e policisë rrugore i cili në atë moment ishte në afërsi të kamionit dhe po rregullonte trafikun.
Policia bën me dije se ngjarja ka ndodhur rreth orës 14.00 ku është bllokuar edhe qarkullimin në këtë aks rrugor.
Punonjësi i Policisë është dërguar në spital dhe ndodhet në gjendje të rëndë shëndetësore pasi ka dëmtuar të dy këmbët. Pritet helikopteri i Ministrisë së Shëndetësisë për të transportuar punonjësin e Policisë drejt Tiranës për ndihmë mjekësore më të specializuar.
Dibër/informacion paraprak
Rreth orës 14.00, në vendin e quajtur ‘Qenok’, aksi rrugor Maqellarë-Peshkopi, një mjet i tonazhit të rëndë kamion ka pësuar defekt duke bllokuar aksin rrugor. Menjëherë patrulla e Policisë Rrugore ka shkuar në vendin e ngjarjes me qëllim menaxhimin dhe hapjen e trafikut për automjetet.
Gjatë momentit që punonjësi i Policisë Rrugore po rregullonte trafikun, ka plasur njëra nga gomat e kamionit dhe është lënduar rëndë punonjësi i policisë rrugore shtetasi T.T.
Punonjësi i Policisë është dërguar në spital dhe ndodhet në gjendje të rëndë shëndetësore pasi ka dëmtuar të dy këmbët.
Grupi hetimor nën drejtimin e Prokurorisë ndodhet në vendngjarje.
Pritet helikopteri i Ministrisë së Shëndetësisë për të transportuar punonjësin e Policisë drejt Tiranës për ndihmë mjekësore më të specializuar.
