Forcat izraelite kanë rrënuar shtëpinë e një të riu palestinez, për të cilin pretendohet se me thikë sulmoi dhe vrau një kolon hebre muajin e kaluar në Bregun Perëndimor të pushtuar, raporton Anadolu Agency (AA).
Ushtria izraelite, në një deklaratë, tha se shtëpia e palestinezit Mohammed Tarek Ibrahim Dar Yusuf u rrënua në fshatin Kubar në veri të qytetit Ramallah.
Tarek u qëllua dhe u vra nga forcat izraelite gjatë sulmit të pretenduar të muajit të kaluar.
Forcat izraelite shpesh rrënojnë shtëpitë e palestinezëve të përfshirë në sulme si një masë ndëshkuese për nisjen e sulmeve kundër objektivave izraelite.
Sipas vlerësimeve palestineze, që nga viti 2017 rreth 45 shtëpi të sulmuesve të pretenduar palestinezë janë shkatërruar nga forcat izraelite.
