Në gjendje të lirë do të hetohet Elmas Haruni, pas këtij reagimi ndaj forcave të rendit. Kryetari i Partisë Demokratike të Gramshit u ndaluar për një kontroll në hyrje të qytetit, por gjatë kontrollit të dokumentacionit, Haruni ka kundërshtuar dhe ofenduar punonjësit e policisë.
Ai godet xhamin e makinës dhe dëgjohet teksa lëshon fjalë banale ndaj punonjësve të policisë. Pas bërjes së testit të alkoolit drejtuesi i mjetit Artur Rrodhe rezultoi në gjendje të dehur dhe u arrestua në flagrancë.
Në një tjetër video të xhiruar nga qytetarët dhe shpërndarë nga selia blu duket kreu i demokratëve të Gramshit, që është i izoluar në makinë nga policia.
Haruni më pas shoqërohet nga efektivët e policisë në rajon. Tashmë ai do të hetohet në gjendje të lirë për kundërshtim dhe ofendim të punonjësve të policisë.
Burimi: Tv Klan
