Turqia është kundër çdo lloj përpjekjeje për grusht shteti kudo që ndodh, tha presidenti Recep Tayyip Erdoğan, raporton Anadolu Agency (AA).
“Asnjëherë nuk kemi qenë në anën e puçistëve dhe kurrë nuk do të jemi. Ne qëndrojmë kundër tyre kudo që janë në botë”, tha Erdoğan në një tubim në të cilin u shpalosën kandidatët për kryetar bashkie të Partisë për Drejtësi dhe Zhvillim (AK) për provincën lindore Erzurum.
Erdoğan dje shprehu solidaritet me presidentin e Venezuelës, Nicolas Maduro, një ditë pasi SHBA njohu udhëheqësin e opozitës Juan Guaido si president i përkohshëm i vendit.
Të mërkurën, Guaido deklaroi veten president dhe bëri thirrje për protesta masive antiqeveritare.
Shpallja e Guaidos u njoh nga SHBA dhe u mbështet edhe nga Kanadaja dhe disa vende të Amerikës Latine.
Maduro e ka akuzuar opozitën për organizim të grushtit të shtetit me mbështetjen e administratës amerikane.
