Kombëtarja shqiptare do të përballet mbrëmjen e të shtunës më Skocinë në “Loro Boriçi”, në atë që është takimi i fundit për fazën në grupe të Ligës së Kombeve dhe njëkohësisht edhe decizivi, sa i përket renditjes finale të kuqezinjve.
Tekniku italian i Shqipërisë, Christian Panucci foli në konferencën para ndeshjes me Skocinë. Tekniku italian tregoi për gjendjen e skuadrës dhe pritshmëritë që ka për ndeshjen e nesërme.
Flasim për mbrojtjen, por kemi shënuar vetëm një gol në këtë edicion. Si e ka menduar Panucci të zgjidhë “ngërçin” me sulmin?
Është e qartë që nesër duhet të bëjmë gol. Në Izrael kemi krijuar shumë raste, por ka munguar finalizimi. Nesër kemi përgatitur disa lëvizje taktike dhe shpresoj për të qenë më konkretë para portës.
A jeni nën presion?
Jo, nuk jam, edhe pse gazetat shkruajnë që jam.
Si mund të fitohet?
Duhet një gol më shumë, kaq.
A do të jenë gati Grezda dhe Ndoji për nesër?
Grezda është stërvitur veçmas gjithë javën dhe ka disa probleme. Ka kërkuar të luajë, por vetëm nesër do të vendosim.
Skocia ka shumë mungesa gjithashtu…
Ne duhet të mendojmë për Shqipërinë. Kemi hedhur poshtë një grup. Në Izrael luajtëm mirë, por i falëm fitoren. Vërtet që qesh dhe bëj humor, por brenda kam zjarr. Duhet ta kuptojnë edhe djemtë këtë gjë.
Në 2018-ën kemi pasur ecurinë më të keqe të 10 viteve të fundit. Çfarë mendimi ka trajneri për këtë situatë?
Ju i referoheni gjithmonë Kosovës dhe Ukrainës, që kanë qenë miqësore. Megjithatë e dimë se rezultatet janë t♪7 rëndësishme dhe ne kemi fituar vetëm përballjen me Izraelin. Mund të kishim fituar edhe në Izrael, po të kishim më shumë fat dhe përqendrim.
Duka ka thënë se këto takime do të vendosin për fatin tuaj. Ju vë kjo situatë nën presion?
Nuk e ka thën Duka, por e ka thënë “Panorama Sport”. Unë bëj punën me shumë pasion dhe shumë seriozitet, kështu që “Panorama Sport” nuk më vë në presion aspak.
Si mund ta fitoni ndeshjen nesër?
Duke bërë gola më shumë se kundërshtari.
Keni thënë që skuadra nuk komunikon. Keni punuar në këtë drejtim?
Është e vërtetë që skuadra komunikon pak në fushë dhe për këtë edhe lojtarët janë të ndërgjegjshëm Shpresoj që nesër të shoh lojtarë që flasin seriozisht me njëri-tjetrin, pasi është shumë e rëndësishme për rezultatin.
Mungesa e Bashës dhe Hysajt si do të zëvendësohet?
Me dy lojtarë të tjerë. Formacionin do ta shihni në fushë, duke shpresuar që të mos gaboj.
E shikoni si me fat, stadiumin “Loro Boriçi”?
Unë kundër Italisë kam humbur këtu, por shpresoj që nesër të mos kemi të njëjtin fat.
Llogaritë në grup: mungojnë golat e shënuar. Të vjen keq që skuadra u dorëzua në Izrael
Jo, nuk u dorëzuam. Luajtëm mjaft mirë, madje shumë më mirë se ndeshjet e tjera. Problemi është se nuk e dërguam topin në rrjetë. Pastaj, golin e dytë e pësuam në të 90, autogol. Si u dorëzuam?! Pastaj, goli i parë i tyre ishte pozicion i parregullt.
