Një djalë i ri i cili palestrën që kishte hapur e përdorte për qëllim të dyfishtë, u arrestua këtë të martë nga policia.
Armando Lajthia, 43 vjeç, banues në lagjen “30 Vjetori”, Berat, u prangos në kushtet e flagrancës i kapur me kokainë.
Arrestimi i tij u bë pasi nga kontrolli i ushtruar në ambientet e palestrës së tij iu gjet dhe sekuestrua në cilësinë e provës materiale një sasi e vogël lënde narkotike e dyshuar kokainë dhe një peshore elektronike.
Dyshohet se Lajthia mbante kokainë në palestër, ku vinin e blinin klientët e tij.
Ndaj të dyshuarit hetimet janë në vijim, ndërkohë që materialet iu referuan Prokurorisë së Beratit për veprën penale “Prodhimi dhe shitja e lëndëve narkotike”.