Një politikan shqiptar me banim në Belgjikë është arrestuar nga policia franceze, pasi iu gjetën 3 kilogramë heroinë.
Rediart Cankja, 41 vjeç, me origjinë shqiptare dhe shtetësi belge, garon për gartinë “CD&V”, partia e dytë më e madhe në Belgjikë. Shqiptari është kandidat për bashkinë e qytetit Antwerp, por siç raportojnë mediat kosovare, Cankja nuk ka munguar edhe në jetën politikë në Kosovë.
Cankja u arrestua mëngjesin e sotëm, bashkë me një grua shqiptare që mësohet se është Shpresa S., e njohur si pjesë e trafikut të drogës në Belgjikë në afërsi të Gjenevës. Droga kishte si destinacion Zvicrën, por ende nuk dihet cili ka qenë roli i Rediart Cankjas në këtë trafik. Kryetari i Partisë për të cilën garon shqiptari, Kris Peeters, përgjegjës për degën e Antwerp, ka thënë se nëse trafiku është i vërtetë, atëherë Cankja do të përjashtohet nga lista, raporton shqiptarja.
Në vitin 2017, Cankja ka qenë i zgjedhuri kryesor në degën e Vetëvendosjes në Belgjikë. Në medie kanë nisur tashmë të qarkullojnë fotot e Cankjas me kryetarin e VV-së, Albin Kurti.
