Emocionet e kampionatit botëror të Formula 1 do të vazhdojnë me garën e 13-të të sezonit që do të zhvillohet në Belgjikë, transmeton Anadolu Agency (AA).
Xhirot e renditjes së garës do të fillojnë nesër në orën 15:00, ku do të mbahen mbi 44 xhiro në pistën 7.004 metra në qytetin Spa-Francorchamps të Belgjikës, që mban të njëjtin emër me pistën. Ndërsa gara do të zhvillohet ditën e diel, më 26 gusht në orën 15:10.
Fituesit në garat e zhvilluara në Australi, Bahrein, Kanada dhe Britaninë e Madhe kanë qenë piloti gjerman i ekipit Ferrari Sebastian Vettel, ndërsa piloti britanik Lewis Hamilton i ekipit të Mercedes në Azerbajxhan, Spanjë, Francë, Gjermani he Hungari, piloti australian i ekipit Red Bull-TAG, Daniel Ricciardo në Kinë dhe Monaco, ndërsa holandezi Max Verstappen i ekipit Red Bull-TAG në Austri.
– Klasifikimet e pilotëve dhe ekipeve
Renditja në 5 vendet e para të pilotëve dhe klasifikimi i ekipeve para Grand Prix të Belgjikës në Formula 1 është:
– Renditja e pilotëve
1. Lewis Hamilton (Britani e Madhe): 213 pikë
2. Sebastian Vettel (Gjermani): 189
3. Kimi Raikkonen (Finlandë): 146
4. Valtteri Bottas (Finlandë): 132
5. Daniel Ricciardo (Avustrali): 118
– Klasifikimi i ekipeve
1. Mercedes: 345 pikë
2. Ferrari: 335
3. Red Bull: 223
4. Renault: 82
5. Haas Ferrari: 66