Bashkimi Evropian regjistroi numër rekord të vdekjeve në vitin 2020 për shkak të pandemisë së koronavirusit, për 60 vitet e fundit bazuar në statistikat e para të disponueshme, një fakt që çoi në një rënie të lehtë të popullsisë, njoftoi Eurostat sot.
Vendet e BE regjistruan 534,000 vdekje më shumë se në 2019 (+ 11%): vdekjet nga 4.7 milionë u rritën në 5.2 milionë. Një numër që “pasqyron ndikimin e pandemisë Covid-19”, sipas Eurostat.
Një zëdhënës tha se ky ishte “numri më i lartë i vdekjeve vjetore që nga viti 1961”, viti i parë për të cilin statistikat janë në dispozicion për të gjitha këto vende.
Numri i vdekjeve u rrit në të gjitha vendet e BE-së gjatë kësaj periudhe, por kryesisht në Itali (+111.700, + 18%), Spanjë (+75.500, + 18%) dhe Poloni (+67.600, +17%), sipas të dhënave të botuara nga Zyra Evropiane e Statistikave.
Vdekshmëria e lartë kontribuoi në uljen e lehtë të popullsisë së BE-së në vitin 2020.
