Specialistët vendas madje nuk kanë përjashtuar faktin që nëse virusi do të vazhdojë të përhapet me ritmin e sotëm, shumë shpejt do regjistrohen rastet e para të personave të infektuar edhe në Greqi.
Ndaj edhe ministri grek i Shëndetësisë në një sëre masash të qeverisë ka bërë me dije të martën,disa spitale në qytetet e mëdha të vendit në të cilat janë krijuar dhomat e veçanta të trajtimit të personave të mundshëm të infektuar. Gjithashtu janë planifikuar edhe ekuipazhet e ambulancave të veçanta si dhe maskat dhe uniformat speciale.
Sa i përket kryeqytetit spitalet e përcaktuara për këto raste janë, Sotiria, Evagjelizmos, spitali universitar Atikon si dhe Thriasio i Elevsines, ndërsa në Selanik është përcaktuar spitali Axepa.
Gjithashtu në pjesën tjetër të vendit janë në gadishmëri ambiente dhe personel në spitalet e Larisës, Aleksandrupolit, Janinës, Patrës dhe Kretës.
Ndërsa në aeroportin e Athinës ka disa ditë që funksionin një ekip mjekësor me gjithë aparaturat dhe ambientin e duhur, prej fillimit të kësaj jave Greqia ka ndërprerë gjithë fluturimet drejt qyteteve kineze.