Në një sulm të armatosur në provincën afgane Maidan Wardak janë vrarë shtatë policë, përfshirë një komisar policie, raporton Anadolu Agency (AA).
Zëdhënësi i Zyrës së Guvernatorit Abdul Rahman Mengel tha se militantët talebanë kishin kryer një sulm të armatosur në qendër të qarkut Said Abad mëngjesin e sotëm.
I njëjti burim thotë se kreu i policisë së qarkut, Nezrab Shah Hashimi dhe gjashtë rojet e tij, u vranë në sulm.
Të paktën katër policë të tjerë u plagosën dhe u dërguan në spital.
Dhjetra militantë talebanë kanë hyrë në qendër të qytetit nga katër drejtime, dhe përmes rrjeteve sociale, organizata mori përgjegjësinë e sulmit dhe pretendon se ka marrë kontrollin e qendrës së Said Abadit.