Zbulohen foto të reja në kohë të ndryshme të hyrjes dhe daljes nga vendi dhe Konsullata si dhe nga largimit në aeroport i ekipit saudit prej 15 personash të cilët erdhën nga Arabia Saudite për të eliminuar me një vrasje të planifikuar gazetarin saudit të “Washington Post”, Jamal Khashoggi, raporton Anadolu Agency (AA).
Hetimi i kryer nga Kryeprokuroria e Stambollit për vrasjen e gazetarit saudit Jamal Khashoggi vazhdon në shkallë të gjerë.
Në kuadër të këtij hetimi ekipet e Drejtorisë së Inteligjencës dhe Antiterrorit të Drejtorisë së policisë së Stambollit dhe ekipet e Departamentit të Shërbimeve Inteligjente Kombëtare (MIT) për rajonin e Stambollit kanë vëzhguar regjistrimet e kamerave të sigurisë në shumë pika të qytetit kryesisht ato përreth Konsullatës saudite me qëllimin për të zbardhur vrasjen e planifikuar të Khashoggit.
Ekipet e posaçme të formuara kryesisht për këtë çështje kanë analizuar pamjet nga 3.500 orë regjistrime të marra nga 147 kamera në 80 pika kryesisht në rajonet si aeroporti Atatürk, rajoni Levent dhe Sultanahmet në Stamboll.
Nëpërmjet këtyre pamjeve janë ndjekur hap pas hapi lëvizjet para dhe pas ngjarjes që ka kryer ekipi i përcaktuar prej 15 personash i ardhur për vrasjen në mënyrë brutale të Khashoggit.
Sipas informacioneve të marra nga burimet e sigurisë mësohet se punonjësit saudit të inteligjencës Mohammed Saad H. Alzahrani (30), major-gjeneral Mansour Othman M. Abu Hussain (46) dhe nënkoloneli Naif Hassan S. Alarifi (32) kanë mbërritur në aeroportin Atatürk më 1 tetor në orën 16:30 sipas orës lokale me një avion të kompanisë Saudi Airlines, ndërsa Abdulaziz Mohammed M. Alhawsawi (31), Khalid Aedh G. Alotaibi (30) dhe specialisti i sigurisë së aeroportit, punonjës i inteligjencës Saad Meshal Albostani (31) kanë mbërritur në aeroportin Atatürk më 2 tetor në orën 01:30 sipas orës lokale me një avion të kompanisë Turkish Airlines.
Më 2 tetor gjithashtu kanë mbërritur në aeroportin Atatürk me një avion privat jet në orën 03:30 nënkoloneli Badr Lafi M. Alotaibi (45), truproja e mbretit Waleed Abdullah M. Alshehri (38), gjeneral brigade Mustafa Mohammed M. Almadani (57), Faad Shabib A. Albalawi (33), ekspert i ndërhyrjes speciale, gjeneral brigade Maher Abdulaziz M. Mutreb (47), ekspert i mbrojtjes, punonjës i inteligjencës Thaar Ghaleb T. Alharbi (39), ekspert i planifikimit strategjik dhe komunikimit punonjës i inteligjencës Turki Musharraf M. Alshehri (36), specialisti i Mjekësisë Ligjore i Ministrisë së Brendshme nënkolonel, Salah Mohammed A. Tubaigy (47) dhe Saif Saad Q. Alqahtani (45).
Të dyshuarit Maher Abdulaziz M. Mutreb, Thaar Ghaleb T. Alharbi, Badr Lafi M. Alotaibi, Mohammed Saad H. Alzahrani, Turki Musharraf M. Alshehri, Waleed Abdullah M. Alshehri, Faad Shabib A. Albalawi, Mustafa Mohammed M. Almadani, Saif Saad Q. Alqahtani dhe Salah Mohammed A. Tubaigy kanë mbërritur me radhë në konsullatë gjatë orës 09:50 – 10:57.
Ndërsa të dyshuarit Abdulaziz Mohammed M. Alhawsawi, Khalid Aedh G. Alotaibi, Naif Hassan S. Alarifi, Saad Meshal Albostani dhe Mansour Othman M. Abu Hussain kanë hyrë me radhë në konsullatë gjatë orës 11:00 – 12:30.
Gjeneral brigade Mustafa Mohammed M. Almadani, i shoqëruar nga Saif Saad Q. Alqahtani, i veshur me rrobat e gazetarit Jamal Khashoggi, me mjekërr dhe mustaqe të rreme ka dalë në këmbë nga dera e pasme e konsullatës në orën 14:53 me një qese të zezë në dorë. Pasi ka hipur në një taksi Almadani ka vajtur në rajonin Sultanahmet dhe pasi hyri në tualetin e një xhamie në orën 16:13 ai ka dalë prej saj në orën 16:29 duke ndryshuar edhe veshjen.
Gjatë kësaj kohe një minibus me targa 34 CC 1865 i ndodhur në oborrin e Konsullatës pasi është ngarkuar me shumë bagazhe dhe qese është larguar rreth orë 15:00 për në rezidencën e Konsullatës. Bagazhet dhe qeset për të cilat vlerësohet se brenda tyre ka qenë trupi janë transportuar brenda rezidencës.
Badr Lafi M. Alotaibi, Waleed Abdullah M. Alshehri, Faad Shabib A. Albalawi, Maher Abdulaziz M. Mutreb, Thaar Ghaleb T. Alharbi dhe Turki Musharraf M. Alshehri, nga ekipi i posaçëm të cilët pas vrasjes së planifikuar në kohë të ndryshme janë kthyer në hotel dhe kanë kaluar në aeroport ku në orën 18:30 të datës 2 tetor janë kthyer nga aeroporti Atatürk për në Arabinë Saudite me një avion privat me numrin në bisht HZSK1. Pjesëtarët tjerë të ekipit Abdulaziz Mohammed M. Alhawsawi, Khalid Aedh G. Alotaibi, Mohammed Saad H. Alzahrani, Mansour Othman M. Abu Hussain, Naif Hassan S. Alarifi, Saad Meshal Albostani dhe Salah Mohammed A. Tubaigy nga aeroporti Atatürk janë kthyer për në Arabinë Saudite me një avion privat me numrin në bisht HZSK2 në orën 22:50 të datës 2 tetor.
Mustafa Mohammed M. Almadani personi që doli nga Konsullata me veshjen e Khashoggit pas vrasjes, i shoqëruar nga Saif Saad Q. Alqahtani janë kthyer në Arabinë Saudite me një avion të Turkish Airlines më 3 tetor në orën 01:30 nga aeroporti Atatürk me ndalesë në Egjipt dhe më pas në Arabinë Saudite.
– Leja për kontroll u dha pas mbulimit të provave
Ekipet e policisë dhe të MIT të cilët nga pamjet e regjistruara kanë gjetur detaje efektive në lidhje me vrasjen, kërkuan leje për kontroll të detajuar në Konsullatë dhe ndërtesën e rezidencës, por zyrtarët sauditë u përpoqën të fitonin kohë me taktikat e zvarritjes. Leja për kontroll dhe inspektim u dha vetëm pasi gjatë kësaj periudhe, 2 ekspertë toksikologë dhe kimistë të ardhur nga Arabia Saudite kishin kryer punime për eliminimin dhe mbulimin e provave në ndërtesë dhe rezidencën e banimit.
Po ashtu autoritetet saudite gjatë kontrollit dhe inspektimit, me arsyetimin se është jashtë lejes nuk lejuan kontrollin e pusit brenda oborrit dhe në ndërtesën e rezidencës së banimit të Konsullatës.
Në fotografi vërehen në kohë të ndryshme ardhja në vend, hyrja dhe dalja në ndërtesën e Konsullatës saudite si dhe largimi nga aeroporti i ekipit prej 15 personash.
