Prej 28 vitesh, Fiqiret Filjas i mohohet një sipërfaqje e madhe toke bujqësore trashëguar nga familja e tij. 65-vjeçari nuk përfitoi tokë me 7501, ndërsa me ligjin e kompensimit të pronave, mbeti i zhgënjyer,raporton Top Channel.
Ndonëse Fiqireti dhe dy vëllezrit e tij zotërojnë certifikatën e trashëgimisë nga gjyshi i tyre, shteti shqiptar ua ka njohur pronën këtyre të fundit, vetëm pasi një sërë kërkesash të depozituar në zyrat e kthimit të pronave.
Me 4 milionë lekë të vjetra unë nuk mund të bëjë asgjë. I kërkojë shtetit ose të më kthehet prona ime siç ma ka lënë nëna e babai, ndryshe le të vazhdojë ligji 7501 dhe ne do vimë të vritemi me bashkbanorët e mi. unë me 4 milion nuk e lëshojë pronën.
Kërkesa për të refuzuar vlerën e ofruar nga shteti nuk është marrë parsysh nga zyra e kthimit dhe kompesimit të pronave duke i lënë si zgjidhje vetëm pranimin e shumës së 4 milionë lekëve të vjetra në këmbim të 26.100 metra katror toke bujqësore.
