Presidenti Ilir Meta ka kujtuar shkrimtarin e madh shqiptar, Dritëro Agolli i cili katër vite më parë u nda nga jeta.
Përmes një postimi në rrjetet sociale, Meta shkruan se Dritëroi është i paharruar dhe dritëron përjetë në cdo varg e libër që na la trashëgim të gjithëve.
Postimi i plotë:
Dritëroi ynë i madh dhe i paharruar dritëron përjetë në çdo varg, libër, mesazh e këshillë të mençur, që na la trashëgim të gjithëve.
Me rrënjët e thella në popull, shprehës i fuqishëm i shpirtit të shqiptarit të thjeshtë, të ndershëm, punëtor e patriot, Dritëroi do të jetë gjithmonë pranë nesh me idetë e tij të vyera në letërsi, art dhe politikë.
Shumë mall për ty mik i shtrenjtë, që na mungon kaq shumë! 
