Zëdhënësi i Departamentit Amerikan të Shtetit, Matthew Miller, u pyet gjatë konferencës për media të së hënës në lidhje me tensionet në veri të Kosovës dhe sulmin terrorist ndaj efektivëve, ku u vra një polic.
Në përgjigjen e tij Miller theksoi se SHBA dënon fuqishëm sulmet e dhunshme ndaj policisë së Kosovës.
Ai nënvizoi se autorët e këtij krimi të rëndë duhet të mbajnë përgjegjësi përmes një hetimi transparent.
Miller i bëri thirrje Kosovës dhe Serbisë të përmbahen ndaj çdo veprimi që rrit temnsionet dhe të de-përshkallëzojnë situatën në bashkëpunim me partnerët ndërkombëtar.
Pjesë nga konferenca:
PYETJE: Përleshje të dhunshme janë shënuar në Kosovë. Një polic i Kosovës është vrarë si dhe katër shtetas serbë, deri më tani të konfirmuar. Është konfirmuar se dy serbë janë vrarë nga një snajper. Duke pasur parasysh se policia e Kosovës financohet pjesërisht nga Shtetet e Bashkuara, a do të bëni thirrje për një hetim mbi përdorimin e mundshëm të tepruar të forcës dhe brutalitetin policor nga forca policore e Kosovës?
MILLER: Pra, së pari, ne dënojmë fuqishëm sulmet e dhunshme të koordinuara ndaj policisë së Kosovës. I shprehim ngushëllime të thella familjes së rreshterit të Policisë së Kosovës i cili u vra gjatë kryerjes së detyrës. Autorët e këtij krimi duhet të mbajnë përgjegjësi përmes një procesi hetimor transparent dhe i bëjmë thirrje qeverive të Kosovës dhe Serbisë që të përmbahen nga çdo veprim apo retorikë që mund të nxisë më tej tensionet dhe të punojnë menjëherë në koordinim me partnerët ndërkombëtarë për të de-përshkallëzuar situatën, garantimin e sigurisë dhe sundimin e ligjit dhe kthimin në dialogun e lehtësuar nga BE.
PYETJE: Dhe në lidhje me – përdorimin e raportuar të snajperëve?
MILLER: Nuk i kam parë të konfirmuara ato raporte. Unë i kam parë raportet, por nuk do të flas me ta pasi ato nuk janë konfirmuar për aq sa – me sa di unë.
PYETJE: Më fal. A mund të kontrolloj gjithashtu, ajo që sapo thatë pak më parë ishte fjalë për fjalë ajo që ishte deklarata e Sekretarit për këtë.
MILLER: E saktë. Kjo është!
PYETJE: – Këtë mëngjes. Pra, nuk ka pasur ndonjë ndryshim?
MILLER: Nuk ka. E saktë.
