Dita e parë e shkollës sjell gjithmonë trafik të rënduar në kryeqytet. Ndaj, për këtë arsye, Policia Rrugore ka një apel për të gjithë drejtuesit e mjeteve,raporton Top Channel.
“U bëjmë apel qytetarëve të evitojnë përdorimin e automjeteve. Prindërit të përdorin tranportin publik për të shoqëruar fëmijet e tyre në shkolla”, tha Erjon Ahmeti, shef i Qarkullimit Rrugor në Tiranë.
Policia Rrugore ka planifikuar shërbime edhe pranë shkollave për evitimin e trafikut, si dhe shmangien e parkimeve të gabuara, por edhe për garantimin e rendit dhe të sigurisë gjatë të gjithë procesit mësimor.
