Të mërkurën, emisari i BE-së për dialog, Miroslav Lajçak, do të takohet me opozitën.
Në këtë takim, që nis në orën 16:00, do të marrin pjesë edhe përfaqësues të Ambasadës së ShBA-së në Prishtinë.
Një ditë më parë, krerët e opozitës në Kosovë janë takuar me të Dërguarin e Posaçëm të ShBA-së për Ballkanin Perëndimor, Gabriel Escobar.
Lajçak dhe Escobar do të bëhen bashkë në takimet e ndara me presidenten Vjosa Osmani dhe kryeministrin Albin Kurti.
Takimi me Osmanin është paralajmëruar për në orën 14:00, ndërsa një orë më pas do të mbahet ai me shefin e qeverisë.
Vizita e Lajçak vjen pas rritjes së tensioneve mes Kosovës e Serbisë për shkak të reciprocitetit me dokumente e targat e makinave që duhet të konvertohen nga ato që i lëshon Beogradi.
Më 18 gusht kryeministri i Kosovës, Albin Kurti dhe presidenti i Serbisë, Aleksandar Vuçiç, biseduan për orë të tëra në Bruksel me ndërmjetësim të BE-së. Në këtë takim nuk arrit asnjë marrëveshje.