Ndërkohë reagimi vjen edhe për faktin se në Kuvend pothuajse të gjithë komisionet e mbledhura diskutojnë për Presidentin.
Të komisioni i Ekonomisë u rrëzuan të gjitha dekretet e Metës për ligjet që ktheu. Këto aksione politike presidenti i cilëson propagandë anti President që nuk ndihmon në hapjen e negociatave më 18 Tetor nga Bashkimi Europian dhe spostim vëmendje nga dekreti për zgjedhje më 13 tetor.
Më poshtë reagimi i plotë i Presidentit
Propaganda anti-President nuk ndihmon sundimin e ligjit që është kusht për çeljen e negociatave në 18 tetor nga Bashkimi Europian për vendin tonë. Spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk ndihmon për zgjidhjen e krizës, por ndihmon përshkallëzimin e saj. Kriteret e Kopenhagenit nuk janë shfuqizuar ende nga BE, ndaj respektimi i tyre është i pashmangshëm nëse ka mbetur sadopak vullnet politik për çeljen e negociatave ne 18 tetor. Zgjedhjet janë e vetmja zgjidhje!
