Një ditë më parë u arrestua nga policia për kontrabandën e 50 sirianëve nga Vlora drejt Italisë me gomone 31-vjeçari Qazim Ismailaj, ndërsa sot gjykata e Vlorës ka vendosur për të masën “arrest me burg” siç thuhet në vendimin e siguruar për “BalkanWeb”.
Qazim Ismailaj dyshohet se ka strehuar në banesën e tij në fshatin Trevllazër klandestinët që kishin ardhur nga Tirana dhe do iknin për në Itali me rrugë detare.
Pak ditë më parë u arrestua pronari i një hoteli në Tiranë, Fatos Dushe i cili kishte strehuar 9 prej klandestinëve.
Klandestinët më 8 janar kishin hipur një mjet lundrues i cili u bllokua në mes të detit mes Vlorës e Italisë. Disa prej tyre u dërguan në spital, teksa nuk pati asnjë viktimë dhe të 50-të u evakuuan.
