129 kg kanabis dhe një sasi prej 350 gramë vaj kanabis u sekuestruan prej departamentit të antidrogës në Tumba të Selanikut.
Sipas autoriteteve greke, lënda narkotike mbërrinte nga Shqipëria dhe tregtohej në zonën e Selanikut.
Në pranga u vunë 5 shtetas, 2 grekë dhe 3 shqiptarë, të cilët akuzohen për trafik lëndësh narkotike. Autoritet sekuestruan edhe 3 automjete që përdoreshin nga trafikantët për transportin e lëndës narkotike.
Të arrestuarit do të dërgohen në gjykatë për masë sigurie, ndërsa hetimet për zbardhjen e plotë të trafikut të drogës vazhdojnë.
