Policia e Fierit ka vënë në pranga një 46-vjeçar nga fshati Lalar pasi ka dhunuar vëllanë e tij më të madh që kishte shkuar nga Fieri në shtëpinë e tij. Mësohet se shkak i konfliktit ka qenë ccështje prone.
Sipas burimeve zyrtare, Krenar Qalliaj, në shtëpinë e tij “ka ushtruar dhunë fizike ndaj vëllait të tij, shtetasit L.Q, 52 vjeç, banues në Fier. Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje””, njofton policia.
