Presidenti i Turqisë, Recep Tayyip Erdoğan është nisur për një vizitë drejt kryeqytetit të Rusisë, Moskë, raporton Anadolu Agency (AA).
Gjatë nisjes së tij në aeroportin Esenboğa të Ankarasë, Erdoğan u përcoll nga nënpresidenti i Turqisë, Fuat Oktay, guvernatori i Ankarasë, Vasip Şahin, drejtori i policisë së Ankarasë, Servet Yılmaz dhe zyrtarë të tjerë.
Në vizitën njëditore në Moskë, Erdoğan do të zhvillojë takim me presidentin e Rusisë, Vladimir Putin.
Erdoğan gjatë vizitës së tij në Rusi do të shoqërohet nga ministri i Jashtëm, Mevlüt Çavuşoğlu, ministri i Mbrojtjes, Hulusi Akar, ministri i Thesarit dhe Financave, Berat Albayrak, shefi i Inteligjencës turke (MIT), Hakan Fidan, drejtori i Komunikimeve të Presidencës së Turqisë, Fahrettin Altun, zëdhënësi i Presidencës së Turqisë, İbrahim Kalın, zëdhënësi i AK Partisë, Ömer Çelik dhe nënkryetari i përgjithshëm i AK Partisë, Mahir Ünal.
