Kreu i Partisë Demorkatike, Lulzim Basha ka dalë nga selia e partisë që ai drejton dhe i është bashkuar protestës së Aleancës për Mbrojtjen e Teatrit, që është thirrur për shkak të shembjes së Teatrit Kombëtar.
Protesta ka nisur që në orën 16:30. Protesta e artistëve dhe qytetarëve tashmë po mbështetet edhe nga PD e LSI, të cilat u kanë bërë thirrje mbështetësve të tyre por dhe gjithë qytetarëve t’i bashkohen.
Vendimi i opozitës u morr në orët e vona të mbrëmjes së 17 majit, pas mbledhjes në selitë e tyre. Madje Basha premtoi se do të rindërtojë Teatrin Kombëtar ashtu siç ishte kur PD të qeverisë.
Ish-kryeministri i vendit, Sali Berisha ka shkuar në protestën e organizuar nga protesta e organizuar pas prishjes së Teatrit Kombëtar. Berisha ka shkuar mes turmës, me një maskë të vendosur.
I rrethuar nga simpatizantët, të gjithë me dy gishtat lart kanë mbështetur ish-kryeministrin, i cili mungoi ditën e djeshme.
“O doktor hajde dhe njëherë të marrsha të ligat,”-i thotë një prej të pranishmëve.
Protesta organizohet një ditë pas shembjes së Teatrit Kombëtar. Policia ndërhyri me forcë dhe dhunoi protestuesit që në orët e para të mëngjesit, ku disa u tërhoqën zvarrë. Po ashtu shumë artsitë e politikanë që ishin u shoqëruan në Komisariat.
Për gjatë gjithë ditës së djeshme qindra qytetarë janë përplasur me Policinë që kishte krijuar një kordon sigurie, e ruante fadromat që në pak orë hodhën në tokë dy godinat e teatrove. Nga ana tjetër opozita ka mbështetur protestën dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe. Erion Veliaj në një reagim pasi teatri ishte rrënuar kërkoi bashkëpunim me artistët, ndërsa Edi Rama premton se godina e re do të jetë moderne dhe do plotësojë të gjithë kërkesat e aktorëve.
