Mesnatën e së premtes, një 85-vjeçar u dhunua dhe grabit në Lignano, Itali.
Mbi ngjarjen në fjalë janë arrestuar katër shtetas shqiptarë, të dyshuar si autorë dhe aktualisht po mbahen në paraburgim në burgun e Udines.
Rai News raporton se dosja ndaj tyre është hapur si për plaçkitje ashtu edhe për rrëmbim, shkruan Top Channel.
85-vjeçari Giuseppe Spartà u lidh dhe dhunua nga agresorët, ndaj gjendet në spitalin e Latisanës me të paktën 4 brinjë të thyera.
Ai ka rrëfyer se vetëm pak kohë më parë ra pre e një tjetër grabitjeje, ndërsa pas kësaj dëshmie hetuesit po punojnë nëse dy ngjarjet janë të lidhura me njëra-tjetrën.
