Diplomatët dhe zyrtarët ushtarakë të Washingtonit janë takuar me zyrtarë të Administratës Rajonale Kurde të Irakut (ARK) për të diskutuar përpjekjet e vazhdueshme për të formuar një qeveri të re federale në Bagdad, raporton Anadolu Agency (AA).
Në takim morën pjesë Brett McGurk, i dërguari i posaçëm i SHBA-ve për luftën kundër grupit terrorist DEASH, i cili u takua me kreun e Këshillit të Sigurimit të ARK-së, Masrour Barzani. Ambasadori i SHBA-ve në Irak, Douglas A. Silliman dhe konsulli i përgjithshëm në Erbil, Steven Fagin, po ashtu morën pjesë në takimin e sotëm.
Sipas një deklarate të lëshuar nga zyra e Barzanit, takimi i mbajtur në kryeqytetin administrativ të ARK-së, Erbil, u ndal në përpjekjet e vazhdueshme për të formuar qeverinë e ardhshme në Bagdad dhe për “rolin e ARK-së në këtë drejtim”.
Gjatë takimit, Barzani theksoi rëndësinë e “bashkëpunimit afatgjatë ushtarak dhe të sigurisë”, midis ARK-së dhe Washingtonit.
Të shtunën, Parlamenti zgjodhi politikanin sunit Mohamed al-Halbusi në postin e shtëpisë ligjvënëse.
Sipas kushtetutës së Irakut, asambleja tani ka 30 ditë për të zgjedhur me një shumicë prej dy të tretash, presidentin e ardhshëm të vendit.
Presidenti pastaj do të angazhojë bllokun e shumicës në Parlament për formimin e një qeverie të re, e cila duhet të kthehet në asamble për miratim përfundimtar.
