Drejtori i Agjencisë për Mbrojtje të Mjedisit në Kosovë, Ilir Morina, ka deklaruar se nga një ortek bore në Brezovicë, një person ka vdekur.
Orteku i borës ka ndodhur rreth orës 15:00.
“Mbikqyrësi i qendrës që i ka angazhuar agjencia, ka shpëtuar një person, duke e nxjerrë në çastet e fundit të jetës. Ndërsa, personi i tjetër ka vdekur, është djali i Nexhat Dacit, Arian Daci”, tha Morina.
Sipas tij, ata kanë shkuar në Brezovicë dhe kanë bërë sporte ekstreme jashtë stazhës, gjë që dyshohet se ka shkaktuar ortekun, njofton KosovaPress.
